Një vit pasi ka marrë drejtimi e PDK-së, Memli Krasniqi ka thënë se gjatë kësaj kohe bashkë me strukturat e partisë kanë punuar shumë në shtrirje e vizionit të partisë dhe ngritjen e saj.
Ai ka përmendur fitoren në zgjedhjet lokale ku kjo parti ka fituar 8 komuna.
“E nisëm me fitoren në zgjedhjet lokale, duke fituar në 8 komuna e duke dalë partia e parë ne 10 komuna. Rikthyem besimin qytetar në Prizren, Mitrovicë, Skenderaj, Vushtrri e Han të Elezit dhe e rikonfirmuam atë në Ferizaj, Drenas e Kaçanik”, ka shkruar Krasniqi në Facebook.
Ai ka thënë se si lidere e opozitës në Kuvend kanë qenë zëri i qytetarëve.
“Misioni im si Kryetar është ringritja, fuqizimi dhe rikthimi i PDK-së në qeverisje, si parti e fitoreve, për zhvillimin e vendit tonë”, ka shkruar ai./teve1.info/
