Të mërkurën thirrën konferencë për media.
Përmes saj, kryeministri në detyrë, Albin Kurti dhe ministrja në detyrë e Mjedisit dhe Planifikimit Hapësinor folën për çështjen e menaxhimit të mbeturinave.
Ata thanë se janë ndarë 1 milionë euro përmes pakos qeveritare kundër mbeturinave.
E njëjta synon largimin e 500 deponive ilegale.
Madje kryeministri në detyrë tha se duhet masa emergjente.
“Situata me mbeturina është bërë serioze. Kemi një emergjencë në sektorin e mbetjeve dhe për ta adresuar atë duhet masa emergjente. Po e shpallim një paketë të emergjencës kundër mbeturinave”, ka thënë Kurti.
Më shumë për këtë pako dhe çka synohet me të foli ministrja në detyrë, Fitore Pacolli.
“Ky program bazohet në këto shtylla; pastrimin e hapësirave jashtë kufijve të vendbanimeve, shtimin e kapaciteteve inspektuese dhe vendosja pa asnjë kompromis e sistemit të gjobitjes dhe pagesës së shpenzimeve në kuadër të parimit të prerë. Kam nxjerrë vendimin për themelimin e grupit operativ për emergjencën e mbeturinave që është shtylla themelore e këtij programi”, u shpreh Pacolli – Dalipi.
Për ta realizuar planin, Pacolli Dalipi tregoi se kanë nisur kontrollet.
“Nga sot po fillojmë me patrullime të shtuara dhe rritje të menjëhershme të inspektorëve në terren. Po ua bëjmë të qartë se në rast se zonat urbane nuk pastrohen, ne do t’i marrim masat më të ashpra ligjore edhe ndaj vetë institucioneve, përfshirë komunat. Në rast se komunat nuk performojnë në përputhje me standardet e vendosura, do të përdoret shkopi, ndëshkimi i rreptë financiar ndaj tyre”, u shpreh tutje Pacolli – Dalipi.
E synim ministrja tha se kanë edhe shtimin e 30 inspektorëve të rinj në terren.
