Ai thotë se serbët në Kosovë po kërcënohen me konfiskim të pronës private, pas vendimit të Qeverisë së Kosovës që obligon kthimin në RKS të targave të serbëve të Kosovës.
“Duke e njohur popullin tonë në Kosovë, ata sigurisht nuk do të pranojnë që t’u merret diçka, as me qejf e as me dhunë”, deklaroi ai në një intervistë për “Politika”.
Madje, Selakoviq shtoi se presidenti serb, Aleksandar Vuçiq ka vlerësuar se vendimet e fundit të Kosovës janë “kërcënim serioz për sigurinë”.
Ndryshe, Qeveria e Kosovës ditë më parë ka miratuar vendimin, i cili obligon kthimin në RKS të targave të komunave paralele.
Si rezultat atyre iu mundësohet regjistrimi i automjeteve me targa RKS për të gjitha automjetet e pajisura me targat “PR”, “KM”, “PZ”, “GL”, “UR”, “PE”, “DA” apo “ĐA”, si dhe vendimin për kalimin e kufirit shtetëror nga qytetarët me dokumente personale të lëshuara nga autoritetet e Serbisë.
Sipas këtij vendimi, regjistrimi do të fillojë me datë 01.08.2022 dhe do të zgjasë deri më 31.09.2022.