Besim Kodra nga lista e Vjosa Osmanit në LDK, në emisionin “Ditari” në Tëvë1, ka folur për ish-presidenten e vendit, Vjosa Osmani, dhe deklaratat e saj në takimet që po zhvillon me qytetarë gjatë fushatës.
Ai tha se Osmani, në paraqitjet e saj publike, po flet edhe për raportin që ka pasur me Albin Kurti dhe marrëdhënien me Lëvizja Vetëvendosje.
Sipas Kodrës, Osmani po i adreson temat për të cilat qytetarët kanë interes të dëgjojnë.
“Ajo që mendoj unë, dhe që nuk është e lehtë, është me iu dalë qytetarëve përpara dhe me iu thënë: pyetni çfarë dëshironi. Qytetarët janë entuziastë me ditë çfarë ka ndodhur gjatë viteve sa presidentja Osmani ka qenë aty dhe ajo këtë e ka shprehur në mënyrë të vazhdueshme. Mirëpo, plani qeverisës që do të vijë në fushatë gjithsesi do të jetë alternativë që nuk synon të merret gjithmonë me kundërshtarin politik, por me zgjidhjen e problemeve që i kanë qytetarët”, ka thënë Kodra./teve1.info/
