Imamë nga vendi e nga shtetet fqinje të shtunën kishin pikëtakim medresenë e mesme Alauddin në Prishtinë.
Ndërlidhja mes fesë islame dhe shkencës ishte arsyeja që përveç imamëve, mblodhi jo pak të rinj e të reja.
Hoxhë Shefqet Krasniqi tha se feja islame i jep shumë rëndësi dijes e shkencës.
“Me qindra e qindra ajete kuranore gjejmë të cilat flasin o drejtpërsëdrejti o në mënyrë indirekte për rolin e dijes, të shkencës. Të cilat çmojnë, vlerësojnë intelektin, logjikën, të përdorurin e intelektit. Të cilat i ngrisin dijetarët lart madje më lartë se çdo shtresë njerëzore me përjashtim të profetëve të pejgambereve”, thotë Krasniqi.
E kryeimami në Këshillin e Bashkësisë Islame të Prishtinës, Burhan Hashani tha se Kurani i prin të gjitha shkencave.
“Mesazhi i parë në islam është lexo, studio në emrin e Zotit. Nuk ka fushë në të cilën në aspektin shkencor që nuk ndërlidhet dmth që Kurani i prin të gjitha shkencave, pa përjashtim”, thotë Hashani.
Se cili është roli i studentit musliman bashkëkohor tregoi profesori i studimeve islame nga Maqedonia e Veriut, Zekerija Bajrami.
“Studenti duhet të jetë ajo pena që duhet t’i ndalë ato të ardhurat, të këqijat, mendoj, negativet. Dhe të mundohet në vend të atyre të ndryshojë gjendjen në të mirë. Çdo veti, apo çdo punë për të keqen e popullit studenti duhet të jetë ai freni që t’i ndalë ato”, thotë ai.
Organizatorët thanë se përveç këtij seminari po mendojnë të organizojnë edhe ligjërata të tjera për fenë tek studentët.
Kronika e realizuar nga gazetari Gojart Jashari.
