Ushtruesja e detyrës së presidentes së vendit, Albulena Haxhiu ka kujtuar heroin e kombit Agron Rrahmanin në 27-vjetorin e rënies së tij.
Haxhiu ka thënë se Rrahamani u dallua për veprimtari atdhetare.
Ajo ka thënë se Agroni ishte luftëtar i guximshëm si dhe njeri i organizimit ushtarak në qytet.
“Agron Rrahmani ishte luftëtar i guximshëm, por më shumë se kaq ishte edhe njeri i organizimit ushtarak në qytet. Para se të merrte drejtimin e njësitit “Rexhep Mala” në Prishtinë, ai kishte marrë përsipër përgatitjen luftarake të anëtarëve të LKÇK-së dhe të vullnetarëve, si dhe kishte ndihmuar në ngritjen e qendrës stërvitore në Tiranë, ku u përgatitën mbi 300 vullnetarë”, ka shkruar ajo./teve1.info/
