Salla qe gati por ndeja s’nisi pa liderin.
Veçse për të ardhur ai, delegatëve u ra të presin goxha shumë.
I pari i Vetëvendosjes, Albin Kurti, u vonua për gati një orë në mbledhjen e Këshillit të Përgjithshëm të partisë këtë të shtunë.
Këtu, posa nisi mbledhja, në foltore doli Albulena Haxhiu, që aktualisht ushtron detyrën e presidentes.
Kjo pati fjalë goxha të mëdha për liderin e partisë.
Në emër të Lëvizjes, Haxhiu propozoi Kurtin si kandidat për kryeministër për zgjedhjet e 7 qershorit.
E mbështetja që mori, qe e plotë nga delegatët.
Për besimin që ia dhanë, Kurti i përshëndeti të gjithë.
Madje më të vjetrit të partisë, me sarkazëm ia dha edhe një post.
E për zgjedhjet, s’ka dyshime se do të dalin fitues, madje më bindshëm se sa herën e fundit.
Lëvizja Vetëvendosje edhe në këto palë zgjedhje do të garojë bashkë me Listën Guxo, Alternativën dhe Partinë Shqiptare Demokristiane.
