Ish-deputeti i LVV-së Agim Bahtiri është komentuar pas publikimit të një videoje në rrjete sociale ku shihet në zonën e Ujmanit me një libër në dorë, pranë liqenit.
Në lidhje me këtë, Bahtiri ka deklaruar në emisionin “Këndi i Debatit” në Tëvë1 se pamjet janë keqinterpretuar dhe se qëllimi i tij nuk ka qenë peshkimi, por përcjellja e një mesazhi.
“Ata kanë drejtë qka do le të thojnë është e drejta e tyre, nuk merrem me këto gjëra, s’jam i vogël me u merr me këto gjëra, por i kam ftuar që të lexojnë librat e mia të vijnë aty, të marrin leje dhe të peshkojnë. Agimi nuk është i peshkimit, Agimi ka dalë vetëm për një mesazh për t’i treguar atyre se unë jam i relaksuar prej njerëzve të cilët gjuajnë vende pa vende pa asnjë të vërtetë” ka thënë Bahtiri.
Videoja e publikuar në Facebook ka nxitur reagime dhe komente të ndryshme në opinionin publik, ndërsa Bahtiri ka thënë se nuk merret me interpretime negative dhe se qëndrimi i tij mbetet i njëjtë./teve1.info/
