Veteranët u bën gati për fjalën e tyre.
Por, programin e ndërprenë këta fëmijë të enjten.
Secili prej tyre, në dorë pati nga një lule, për ish-ushtarët e UÇK-së në Gjakovë.
E këta të fundit, lulet nuk i mbajtën për vete.
Këto ua dhuruan familjarëve të dëshmorëve që ishin të pranishëm të enjten në Pallatin e Kulturës në Gjakovë.
Krejt kjo në shënimin e 7 majit, që njihet ndryshe si “Epopeja e Çabratit”,
Se si nisi beteja e UCK-së me forcat serbe, me 7, 8 dhe 9 maj në Gjakovë, tregoi ish komandanti i Brigadës 137, Agron Kryeziu.
“Para 27 viteve ishte me të vërtetë një betejë shuam e vështirë ku edhe rrugëtimi i ynë, që ishte nga zona e Dukagjinit edhe rrugëtimi deri këtu ishte shumë i vështirë por bashkë me bashkëluftëtarë të cilët na u bashkuan prej shumë vendeve që ishin gjithë bashkëluftëtarë u betuam që të hyjmë në qytetin e Gjakovës”, tha komandanti i Brigadës, Agron Kryeziu.
Për të filluar këtë betejë, u kërkuar leja e komandantit të Dukagjinit, Ramush Haradinaj.
“Kërkesa jonë ka qenë mas pari për me hy në qytet neve na vijshin lajme që në qytetin e Gjakovës po ndodhin masakra, atëherë kemi kërkuar nga komandantin Ramush Haradinaj që ne të hyjmë në qytet edhe pse ai nuk e kish dëshirën që ne të hynim se ishim të rrethuar në gjithë anët. Arsyeja pra që të hyjmë në qytet ka qenë të ndihmojë civileve”, ish-komandanti Hekuran Hoda.
E lufta me forcat serbe nuk ishte e barabartë.
“Mundësit tona logjistike kanë lënë për të dëshiruar, banorët dhe qytetarët që i kemi gjet kanë qenë ndihma jonë kryesore të cilët na kanë furnizuar me ushqime, veshmbathje dhe na kanë trajtuar ashtu siç trajtuar djemtë dhe vashat që po luftonin për tas. Na asnjoni nuk jemi pishman për atë që kemi bërë dhe 100 herë tjera do ta kishim bërë”, tha bashkëlufetari Ali Koca.
Ndryshe, kjo betejë ishte e rëndësishme për faktin se misioni i luftëtarëve të lirisë ishte mbrojtja e mijëra civilëve në qytetin e Gjakovës.
