Aktivistja dhe sipërmarrësja nga Krusha e Madhe, Fahrije Hoti, ka konfirmuar hyrjen e saj në politikë dhe kandidaturën për deputete në zgjedhjet e 7 qershorit.
Hoti tha se nis një rrugëtim të ri krah ish-presidentes Vjosa Osmani, duke theksuar se angazhimi i saj do të vazhdojë në mbështetje të grave dhe komunitetit.
Ajo u shpreh se vjen nga Krusha, si simbol i forcës dhe qëndresës së grave që, sipas saj, nuk janë dorëzuar përballë sfidave.
“Po e bëj këtë për gruan që ngrihet. Për fermerin që e di vlerën e çdo kokrre. Për të riun që do të ndërtojë jetën e tij në Kosovë. Për familjet që kërkojnë drejtësi, jo premtime. Politika për mua nuk është karrierë, është punë, si puna që kam bërë gjithë jetën. Ju falënderoj që më besoni. Nuk do t’ju zhgënjej!”, ka shkruar ajo në Facebook.
