Policia e Kosovës ka sekuestruar një armë zjarri dhe municion gjatë një aksioni në dy lokacione në Lipjan.
Sipas raportit 24-orësh, bastisjet janë kryer me urdhër të prokurorit në shtëpitë e dy të dyshuarve, një mashkull dhe një femër. Gjatë kontrollit janë gjetur dhe konfiskuar një armë zjarri, një karikator me 9 fishekë, edhe 14 fishekë të tjerë si dhe dy karikatorë të zbrazët.
Pas intervistimit, me vendim të prokurorit, i dyshuari është ndaluar dhe dërguar në mbajtje, ndërsa e dyshuara është liruar në procedurë të rregullt.
