Përgatitjet nisën menjëherë.
E brenda 36 ditësh, Komisioni Qendror i Zgjedhjeve duhet të jetë gati për organizmin e procesit, për zgjedhjet e 7 qershorit.
Por krejt ky organizim pritet të kushtojë goxha shtrenjtë.
Shuma e planifikuar për zgjedhje, sipas KQZ-së arrin në gati 11 milionë euro.
E subjektet politike që duan t’i hyjnë garës zgjedhore, duhet që të deklarohen deri më 7 maj.
Brenda këtij afati, partitë duhet të tregojnë dhe nëse duan të garojnë vetëm apo të bëjnë ndonjë koalicion.
Nga e shtuna e 2 majit e deri më datë 10, subjektet politike duhet t’i përpilojnë e t’i dorëzojnë në KQZ, edhe listat me kandidatë për deputetë.
E për numrat që do t’i kenë në fletëvotime, subjektet do ta marrin vesh pas 2 javësh.
KQZ-ja njoftoi edhe për kohën e fushatës zgjedhore.
Regjistrimi i diasporës për të votuar, do të nis nga 6 deri me datë 17 maj, ndërkaq që periudha e votimit me postë, nis nga 25 maji, deri më 6 qershor.
Në këtë ditë do të mbahet edhe votimi në përfaqësi diplomatike.
