Ushtruesja e detyrës së presidentes dhe njëherësh kryetarja e Kuvendit, Albulena Haxhiu, në konferencë për media ka folur për mungesën e një anëtari në Komisionin Qendror të Zgjedhjeve, duke theksuar se kjo situatë mund të ndikojë drejtpërdrejt në funksionimin e institucionit.
“Jam në trajtim të kësaj çështjeje dhe me dhjetë anëtarë të KQZ-së aspak nuk rrezikohet as certifikimi i partive politike e të tjerat. Fuqia politike, proporcionaliteti dhe përfaqësimi janë parime që nuk duhet t’i shkelim”, tha ajo.
Haxhiu theksoi rëndësinë e plotësimit sa më të shpejtë të përbërjes së KQZ-së, në mënyrë që të sigurohet funksionimi normal i procesit zgjedhor dhe marrja e vendimeve të domosdoshme institucionale.
