Sot në Kosovë pritet të mbajë mot me diell, i shoqëruar nga vranësira të herëpashershme. Në disa zona, këto vranësira mund të sjellin edhe riga të lehta shiu, sipas parashikimeve të Institutit Hidrometeorologjik të Kosovës.
Temperaturat do të jenë më të ulëta krahasuar me ditët e fundit. Vlerat minimale do të sillen ndërmjet 4 dhe 7 gradë Celsius, ndërsa ato maksimale pritet të arrijnë nga 11 deri në 13 gradë Celsius.
Era do të fryjë nga drejtimi veriperëndimor me një shpejtësi prej 1 deri në 6 metra në sekondë. /teve1.info/
