Pas përfundimit të ndeshjes së Superligës së Kosovës ndërmjet Prishtina e Re dhe Drenica, e zhvilluar në Kampi Nacional në Hajvali në kuadër të xhiros së 30-të, është raportuar një incident mes tifozëve.
Sipas informacioneve nga Policia e Kosovës, dy persona janë arrestuar, ndërsa një tjetër ka mbetur i lënduar si pasojë e përleshjes. Lajmin e konfirmoi zëdhënësi i policisë për rajonin e Prishtinës, Enis Pllana.
Ngjarja ka ndodhur menjëherë pas përfundimit të takimit, në të cilin skuadra vendase u mposht nga Drenica me rezultat 2-3.
