Zëvendëskryeministrja dhe Ministrja e Drejtësisë, Donika Gërvalla, ka udhëtuar të martën për një vizitë zyrtare në Bruksel, me ftesë të Ministres së Drejtësisë së Belgjikës, Annelies Verlinden.
Sipas Ministrisë së Drejtësisë, gjatë këtij takimi zyrtar mes dy ministreve do të nënshkruhet edhe një marrëveshje ndërkombëtare, e cila synon forcimin e bashkëpunimit mes dy shteteve.
Gjatë qëndrimit në Bruksel, Gërvalla pritet të zhvillojë takime edhe me përfaqësues të institucioneve të drejtësisë dhe autoriteteve belge.
Qëllimi i këtyre takimeve është thellimi i bashkëpunimit ndërinstitucional dhe shkëmbimi i praktikave të mira në fushën e sundimit të ligjit.
Në njoftim theksohet se vizita dhe nënshkrimi i marrëveshjes përbëjnë një hap të rëndësishëm në intensifikimin e bashkëpunimit juridik në çështjet penale ndërmjet Kosovës dhe Belgjikës, si dhe në avancimin e marrëdhënieve bilaterale, veçanërisht në fushën e drejtësisë dhe bashkëpunimit juridik ndërkombëtar./teve1.info/
