Një person është sulmuar me mjet të mprehtë mbrëmjen e së dielës në Prishtinë, ndërsa dy të dyshuarit për rastin janë në kërkim nga policia.
Sipas njoftimit 24-orësh të Policisë së Kosovës, viktima ka pësuar lëndime si pasojë e therjes me thikë dhe është dërguar për trajtim në QKUK.
Pas marrjes së ndihmës mjekësore, ai është liruar për në shtëpi, ndërsa gjendja e tij raportohet jashtë rrezikut për jetë.
Njësitë policore kanë dalë menjëherë në vendin e ngjarjes dhe kanë nisur hetimet për zbardhjen e plotë të rastit, ndërkohë që po punohet për identifikimin dhe arrestimin e personave të dyshuar. /teve1.info/
