Veturën e parkoi para lokalit.
E pak para se shoferi ta merrte, një lis u thye e ra mbi të.
Degët prekën edhe një veturë tjetër që po lëvizte në rrugën “Bajram Kelmendi” në Prishtinë, këtë të shtunë.
Prania e Policisë që e menjëhershme, për ta siguruar zonën.
Më pas ndërhynë edhe zjarrfikësit.
Ata e prenë trungun dhe liruan rrugën.
E kur vendi pothuajse u pastrua, aty erdhi edhe Drejtori për Siguri dhe Emergjenca, Lulzim Fushtica.
Qytetarët e dëmtuar, tha se do të kompensohen.
“Do të bëhet vlerësimi, të dhënat janë marrë nga të gjithë dhe do të bëjmë kërkesën për dëmshpërblim”, tha Fushtica.
Nga vendi i ngjarjes pa se ka nevojë të ndërhyhet edhe në një vend tjetër, që të shmanget një tjetër rrezik.
“Nesër do të vijmë dhe do ta largojmë edhe këtë rrezik por edhe do të kërkojmë nga drejtoritë përkatëse që të bëjë verifikimin e të gjithë lisave që janë me rrezik”, tha ia.
Megjithatë, qytetarët thonë se Komuna duhet të veprojë me kohë, që të shmangen fatkeqësi të tilla.
“Gjithqysh duhet me ndërhy, unë rastësisht qëllova”, tha një qytetar.
Një tjetër tha se “shyqyr që janë shpëtu ata por është gabimi i Komunës, këto të vjetrat me i kontrollu brenda a janë myk apo prish”.
Raste të tilla nuk janë të rralla në kryeqytet.
Madje në qershor 2022, një 30-vjeçar kishte humbur jetën pasi ishte goditur nga një pemë e rrëzuar.
