Kryeprokurori i Prokurorisë Themelore të Prizrenit, Petrit Kryeziu është kërcënuar të premten.
Ai sipas Prokurorisë së Shtetit ka marrë kërcënime nga një një person i dyshuar për disa vepra penale.
Prokurori i Shtetit ka dënuar këtë rast, duke thënë se kërcënimet e tilla përbëjnë sulm ndaj sistemit të drejtësisë.
“Këto kërcënime përbëjnë sulm të drejtpërdrejtë ndaj sistemit të drejtësisë dhe si të tilla do të marrin përgjigjen e duhur institucionale në mënyrë që personi përgjegjës të sillet sa më parë para drejtësisë dhe të përballet me pasojat ligjore. Për më tepër, çdo përpjekje për të frikësuar apo penguar prokurorët e shtetit në ushtrimin e detyrës zyrtare në funksion të forcimit të sundimit të ligjit është e papranueshme dhe nuk do të tolerohet”, thuhet nga Zyra e Prokurorit të Shtetit.
