Komisioni Qendror i Zgjedhjeve do të mbajë sot mbledhjen e radhës, me fillim nga ora 13:30, në zyrat e institucionit.
Mbledhja do të kryesohet nga Kreshnik Radoniqi, ndërsa në rend të ditës janë disa pika që lidhen me aktivitetet dhe funksionimin e institucionit.
Një nga çështjet kryesore që pritet të shqyrtohet është rekomandimi për regjistrimin e partisë politike “Partia Qytetare për Mirëqenie Sociale”.
Po ashtu, gjatë kësaj mbledhjeje do të trajtohet edhe emërimi i komisionit të pranimit për pozitën e Drejtorit të Sekretariatit të KQZ-së, si dhe çështje të tjera të ndryshme.
Sipas njoftimit zyrtar, bëhet fjalë për mbledhjen nr. 35 të KQZ-së për vitin 2026, e cila do të mbahet më 17 prill, në ambientet e institucionit.
