Deputeti i Lidhjes Demokratike të Kosovës, Ermal Sadiku ka akuzuar ministrin e Jashtëm Glauk Konjufca i propozuar për president nga Vetëvendosje se po manipulon me deklaratat e dhëna.
Ai ka thënë se Konjufca “po bënë hajgare” kur ka komentuar deklaratë e ministrit të Jashtëm se është i gatshëm të heqë dorë nga kandidatura për president nëse ka marrëveshje për një kandidat konsensual.
“Po me duket që po bënë hajgare, Glauku është djalë i mirë po është ka e manipulon opinionin këto ditë. Është një rregullore që thotë se duhen 30 nënshkrime dhe patjetër duhet të jenë dy persona në garë”,ka thënë Sadiku në emisionin InfoNata” në Tëvë1.
Ai ka thënë se nëse LVV dëshiron marrëveshje duhet të dy emrat për president t’ia jap partisë tjetër.
“Po që se ka vullnet për një marrëveshje, e vetmja mundësi është që partia tjetër t’i ketë dy emra”, ka thënë ai.
Sadiku që është emëruar edhe antëarë i Kryesisë sër re të LDK-së, ka thënë se Kurti e ka larguar këtë parti nga bashkëpunimi më konkret me deklaratën, se duhet një marrëveshje që siguron mbi 81 vota për presidentin.
Ai ka thënë se nuk është optimist për një marrëveshje dhe sipas tij, “LVV po shihet që s’po do zgjidhje”.
Sadiku ka folur edhe për rikthimin e Vjosa Osmani në LDK, duke thënë se personalisht do të ishte i hapur, duke thënë se kthimi i saj do të ndikonte në rritjen elektorale të LDK-së.
Çështja e presidentit, Glauk Konjufca: Nëse është jo-partiak, jap dorëheqje nga kandidatura
