48-vjeçari I.B., ka humbur jetën të mërkurën në vendin e tij të punës në Shtime.
Sipas Policisë së Kosovës, viktima është dërguar fillimisht në emergjencën e Ferizajt për trajtim mjekësor, pasi dyshohet se gjatë punës në një kompani ka pësuar lëndime të rënda trupore. Aty është konstatuar vdekja e tij nga ekipi mjekësor.
Njësitet relevante policore kanë dalë në vendin e ngjarjes dhe kanë nisur hetimet për zbardhjen e rrethanave të rastit. Ndërkohë, me vendim të prokurorit, një person është arrestuar dhe është dërguar në mbajtje për 48 orë.
Trupi i pajetë i viktimës është dërguar në Institutin e Mjekësisë Ligjore për obduksion.
“Është raportuar se viktima mashkull kosovar, ishte dërguar në emergjencën e Ferizajt për trajtim mjekësor pasi që i njëjti dyshohet se derisa ka qenë duke punuar në një kompani, kishte pësuar lëndime të rënda trupore dhe nga mjeku është konstatuar vdekja e tij. Njësitë relevante policore kanë dalë në vendin e ngjarjes dhe janë duke e hetuar rastin. Lidhur me rastin një person mashkull kosovar, me vendim të prokurorit është arrestuar dhe dërguar në mbajtje për 48 orë, kurse trupi i pajetë është dërguar në IML për obduksion”, thuhet në njoftim. /teve1.info/
