Ministri i Punëve të Jashtme të Shqipërisë, Ferit Hoxha, ka zhvilluar një takim me Mevlan Ademin, një nga studentët udhëheqës të manifestimeve paqësore në Republikën e Maqedonisë së Veriut, të lidhura me të drejtat gjuhësore.
Përmes një postimi në platformën “ X”, Hoxha bëri të ditur se ka dëgjuar me vëmendje kërkesat e studentëve për respektimin e plotë të të drejtave për përdorimin e gjuhës amtare.
Ai ka theksuar rëndësinë e zbatimit të qartë, të paekuivok dhe konsekuent të Marrëveshja e Ohrit, duke e cilësuar atë si themel të barazisë dhe funksionimit efektiv të shtetit në një shoqëri multietnike.
Ministri ka nënvizuar se një nga veçoritë themelore të demokracisë është dëgjimi i zërit të rinisë dhe përkthimi i angazhimit qytetar në politika konkrete që garantojnë barazi dhe standarde evropiane.
“Mbështetja për këto vlera është thelbësore në funksionimin dhe forcimin e institucioneve demokratike, dhe për një të ardhme më të mirë, më të drejtë, të bazuar në ligj dhe #gjithëpërfshirëse”, ka përfunduar Hoxha.
🇦🇱🇲🇰 Prita dhe zhvillova një bisedë me z. Mevlan Ademi, një nga #studentët udhëheqës të manifestimeve paqësore në Republikën e #Maqedonisë së Veriut, lidhur me të drejtat gjuhësore.
Dëgjova me vëmendje kërkesat e tyre për respektimin e plotë të të drejtave për përdorimin e… pic.twitter.com/BTxe8vcGGY
— Ferit Hoxha🇦🇱 (@HoxhaFer) April 15, 2026
