Një rast vjedhjeje brenda xhamisë është raportuar në fshatin Mirash, në Komunën e Ferizajt.
Sipas deklaratës së ankuesit, persona ende të paidentifikuar kanë hyrë me forcë brenda një xhamie, duke dëmtuar derën hyrëse dhe më pas kanë marrë arkën e dedikuar për bamirësi.
Përveç kësaj, të dyshuarit kanë shkaktuar dëme edhe në sistemin e sigurisë, duke dëmtuar kamerat e vendosura në objekt.
Bazuar në të dhënat e policisë, dëmi i përgjithshëm i shkaktuar, që përfshin arkën dhe pajisjet e kamerave, vlerësohet të jetë rreth 170 euro.
Rasti është duke u hetuar nga organet kompetente, ndërsa të dyshuarit mbeten ende në kërkim.
“Ankuesi mashkull kosovar, ka njoftuar se të dyshuar të panjohur kanë hapur me forcë derën e Xhamisë dhe nga aty kanë vjedhur arkën e bamirësisë dhe kanë dëmtuar kamerat e sigurisë. Sipas ankuesit vlera e dëmit të shkaktuar (arka dhe kamerat me pajisje) është rreth 170 euro. Rasti duke u hetuar”, thuhet në njoftim. /teve1.info/
