Organizata e Veteranëve të Luftës së UÇK-së (OVL-UÇK) ka përkujtuar të rënët e komunës së Istogut në Ditën e Dëshmorëve të këtij qyteti.
Përmes një njoftimi, OVL-UÇK ka theksuar se me respekt dhe përulje nderojnë jetën dhe veprën e heronjve të kësaj komune, të cilët ranë nën emblemën e Brigadës 133 “Adrian Krasniqi”, duke sakrifikuar gjithçka për lirinë e vendit.
Sipas tyre, dëshmorët e luftës mbeten udhërrëfyes për brezat që vijnë, ndërsa sakrifica e tyre përbën gurthemelin e shtetit dhe dëshmi të përhershme të qëndresës dhe vendosmërisë për liri.
