Këto deklarata ai i bëri pas vizitës që pati në Postën e Kosovës, teksa shtoi se Ministria e Industrisë, Ndërmarrësisë dhe Tregtisë është duke përgatitur një vendim lidhur me këtë rritje të çmimit.
“Ne i kemi marrë me shumë shqetësim këto informacione për çmimet e rritura të bukës që është ushqimi më elementar për qytetarët. Ministria e Industrisë është duke e përgatitur një përgjigje të Qeverisë sonë pra kemi vënë tavanin për çmimin e naftës, duhet të shohim se çfarë duhet të bëjmë në mënyrë që të mos shfrytëzohen e dëmtohen konsumatorët e vendit tonë”, tha ai.
Madje, ai nuk përjashtoi mundësinë e uljes së çmimeve të bukës duke thënë se do të ndëshkojnë ata që “mund ta keqpërdorin situatën e të abuzojnë në këtë kohë krize”.
