Kështu ka bërë të ditur Zyra e Kryeministrit të Kosovës në një përgjigje për Tëvë 1.
Kurti gjatë kësaj vizite është shoqëruar nga stafi i tij në përbërje të Luan Dalipit, Tien Mu, Arun Singh Chaudary, Lulzon Jagxhiu dhe Patrik Domi.
Sipas të dhënave të siguruara, Kurti ka shpenzuar në total nëntë mijë e 304 euro, ku vetëm biletat për udhëtime i kanë kushtuar katër mijë e 279 euro.
Ndërkaq, shefi i Stafit të Kurtit, Luan Dalipi e “mban primatin” sa i përket shpenzimeve, ku ka arritur shifrën prej nëntë mijë e 480 eurosh, që i bie mbi 100 euro më shumë sesa kryeministri. Ai ka marrë 17 euro mëditje dhe shpenzime tjera në akomodim dhe bileta.
Kurse, fotografi i ZKM-së, Patrik Domi ka harxhuar po ashtu më shumë sesa Kurti. Në përgjigje thuhet se ai në total shpenzoi nëntë mijë e 413 mijë euro, ndër to edhe mëditje prej një mijë e 963 eurosh.
Teksa, personi që shpenzoi më së paku nga “kuleta e shtetit” ishte kështilltari i Kurtit, Lulzon Jagxhiu. Bëhet e ditur se ai ka shpenzuar vetëm dy mijë e 631 euro gjithsej.