Një pjesë u ndërtua e tjetra mbeti djerrinë.
Kjo pronë në Breg të Diellit në Prishtinës, për më shumë se 10 vjet, ishte në kontest gjyqësor.
Por as vendimi i Gjykatës mbi atë se kujt i takon toka, nuk e zgjodhi problemin.
Kjo i shtyri pronarët, që të martën t’ia mësyjnë komunës, në shenjë proteste.
“Ne e kemi një vendim të Gjykatës së Apelit, i formës së prerë, që na është njoft e drejta e pronësisë, dhe komuna nuk po ekzekuton që është e obliguar t’a bartë pronën në emër dhe mbiemër tonë. Ne e kemi marrë vendimin e Gjykatës në vitin 2024 dhe d.m.th që një vit e gjysmë Komuna nuk po e realizon të drejtën tonë”, thotë Xhemshit Cakolli-banor.
Por një pjesë e tokës që thonë se u takon atyre, tanimë i është dhënë dikujt tjetër.
Sipas Banorëve, 16 nga 64 ari tokë në këtë pjesë, i janë dhënë nga komuna në këmbim një personi të tretë, pavarësisht se prona ishte në kontest gjyqësor.
Hisetar në atë pronë në Breg të Diellit janë 9 persona, që tash e sa kohë, s’po mund ta shfrytëzojnë tokën.
“Ne jemi në proces gjyqësor prej viti 2014 dhe komuna nuk ka pasur të drejtë të bëjë një bartje të tillë të pronësisë, dhe në 2024-tën ne e kemi fituar të drejtën e pronësisë, na është njohë e drejta që ne jemi pronar që 50 vjet në atë tokë”, thotë Cakolli.
Por ani se pritën rreth një orë para komunës, askush nuk doli t’i takojë e as t’u japë sqarim.
Përgjigje nga komuna gjatë së martës, nuk mori as Tëvë1.
