Ardian Ismajli ka folur pas fitores së fundit të Torinos, duke thënë se mbijetesa në Serie A as që diskutohet për skuadrën e trajnerit Roberto D’Aversa.
Torino, të dielën triumfoi 1:0 në udhëtim te Pisa kurse Ismajli u zgjodh lojtari më i mirë i ndeshjes, pasi pati një paraqitje fantastike.
Ai ka thënë se çmimi nuk ka rëndësi për të, pasi pikët e plota janë më të rëndësishme, duke insistuar se Torino plotësisht e meritoi fitoren.
Sa i përket çështjes së mbijetesës këtë sezon në Serie A, Ismajli ka insistuar se te Torino ndihen rehat por ka thënë se do të mundohen që deri në fund të tubojnë sa më shumë pikë që të jetë e mundur.
Torino, aktualisht zë vendin e 12-të në tabelë me 36 pikë të mbledhura pas 31 ndeshjeve kurse Ismajli në kampionat këtë sezon ka 22 paraqitje dhe 1 asistim.
