Një person është shoqëruar në polici nën dyshimin për kontrabandë me migrantë në fshatin Babush të Ferizajt.
Sipas Policisë së Kosovës, gjatë kontrollit të një kamioni në pronësi të të dyshuarit, në rimorkio janë gjetur shtatë shtetas të huaj.
Pas intervistimit, me vendim të prokurorit, i dyshuari është liruar në procedurë të rregullt. Ndërkohë, shtetasit e huaj janë dërguar dhe akomoduar në qendrën e pritjes për migrantë.
“Lidhur me veprën e lartcekur është shoqëruar në stacion policor i dyshuari mashkull kosovar pasi që gjatë kontrollit të kamionit të tij në rimorkio janë gjetur shtatë meshkuj shtetas të huaj. Me vendim të prokurorit, pas intervistimit i dyshuari është liruar në procedurë të rregullt, ndërsa viktimat janë akomoduar në qendrën e pritjes per migrantë”, thuhet në njoftim. /teve1.info/
