Këngëtarja shqiptare me famë ndërkombëtare Bebe Rexha është nderuar së fundmi me çmimin “Female Icon Award 2026” nga EDM Awards, një vlerësim i rëndësishëm për ndikimin dhe kontributin e saj në muzikën dance.
E prekur nga ky sukses, artistja ka publikuar në Instagram një video ku shfaqet duke marrë trofeun, ndërsa shpreh mirënjohje për fansat dhe komunitetin e muzikës elektronike për mbështetjen e vazhdueshme.
“Wow, faleminderit EDMAs. Kjo është e pabesueshme. ‘Female Icon Award 2026’. Dua të falënderoj shumë fansat e mi që më kanë mbështetur gjatë këtij rrugëtimi të çmendur. Faleminderit gjithashtu komunitetit të muzikës dance që më ka pranuar. Muzika dance ka qenë gjithmonë një pjesë e madhe e jetës sime. Ka qenë arratisja ime, terapia ime – dhe vazhdon të jetë edhe sot. Nuk ka asgjë si ta dëgjosh këngën tënde në një festival, në klub apo në makinë. Kur bëhet fjalë për muzikën dance, ndjesia është krejt ndryshe. Faleminderit edhe një herë. Dhe sigurohuni të dëgjoni këngën time të re ‘New Religion’, me grupin e mrekullueshëm Faithless. Është publikuar tashmë. Cheers”, u shpreh ajo.
Vitet e fundit, Bebe Rexha ka qenë shumë e angazhuar në zhanrin euro-dance, duke sjellë projekte që janë shndërruar në hite globale. Ndër më të suksesshmet përfshihen I’m Good (Blue), One in a Million dhe New Religion, të cilat i përkasin këtij stili muzikor.
Ky çmim konsiderohet si një tjetër arritje e rëndësishme në karrierën e saj, duke konfirmuar ndikimin që artistja shqiptare ka në skenën ndërkombëtare të muzikës elektronike
