Analisti politik, Ardian Bytyqi ka thënë se paritë opozitare do të duhej të sfidonin Lëvizjen Vetëvendosje dhe kryeministrin Albin Kurti me një kandidat konsensual për president.
Ai ka thënë se opozita do duhet ta vinte në sprovë Kurtin me kandidatin e tyre, për të parë edhe disponimin e tij.
Në emisionin “InfoNata” në Tëvë1, Bytyqi ka thënë se kryeministri me propozimin e Andin Hotit për president, që dikur ka qenë deputet nga radhët e PDK-së, ka bërë hapin e parë për tejkalimin e ngërçit dhe sipas tij tani “topi” është te opozita.
Subjektet politike është dashur që ta japin një emër dhe mandej me pa se ka diskonim Lëvizja Vetëvendosje, ka diskonim kryeministri Kurti ta pranojë atë emër. Partitë opozitare është dashur të vënë në sprovë kryeministrin Kurti me një emër konsensual. Kurti e ka bërë atë hapin e parë drejt zgjidhjes ngërçit politik me propozimin e Andin Hotin. Topi mbetët tek subjektet politike opozitare. Ka shumë emra që opozita do duhej ta sfidonte Kurtin”, ka thënë ai.
Por, sipas Bytyqit ka arsye pse PDK e LDK nuk kanë dhënë emra.
“Aktualisht, LDK nuk e ka një emër që mund ta dërgojë te z.Kurti. PDK po e ndien veten komode me 21%, sepse votuesi po i rrinë besnikë.
Kryeministri i Kosovës të hënën tha se do t’u dërgojë ftesa partive opozitare për takime lidhur me çështjen e presidentit, por para kësaj ai tha se do të zhvillojnë konsultime të brendshme.
Sipas aktgjykimi të Gjykatës Kushtetuese afati i fundit për zgjedhjen e presidentit është 28 prilli.
