Perolli tha se me atë peticion kundërshtoheshin katër marrëveshjet që janë nënshkruar në vitin 2015: ajo për Aociacionin e Komunave me shumicë serbe, për çështjen e barrikadave në urë mbi lumin e Ibrit në Mitrovicë, atë për Kodin shtetëror dhe marrëveshjen për energjinë.
“Ky ishte vullneti politik i rreth 200 mijë nënshtrimeve që i kundërshtonin këto marrëveshje, e ndër ta ishe edhe kryeministri Kurti. Çka dallon tash prej asaj kohe është zhvendosja e plotë e Kurtit në krahun tjetër duke i pranuar këto marrëveshje ashtu siç ishin përbrenda kornizës së njëjtë të dialogimit. Pra marrëveshja për energjinë shpërfaqe dy probleme, e para është që praktikisht që veriu i Kosovës po trajtohet si i veçantë prej pjesës tjetër të Kosovës duke ia dhënë një kompanisë elektroserver të drejtën e transmetimit të energjisë edhe çmimit të parregulluar të saj”, tha ai.
Perolli në emisionin “Ditari” në Tëvë 1 tregon problemin e dytë të marrëveshjes për energjinë me Serbinë për të cilën thotë se Qeveria Kurti e ka pranuar plotësisht kornizën e vjetër të dialogut.
“E dyta që është edhe më e dëmshme është fakti që kornizën e vjetër të dialogut tashmë kjo qeveri dhe ky pushtet e ka pranuar plotësisht. Pra marrëveshje të pjesshme, të veçanta për tema të veçanta pa arritur një marrëveshje përfundimtare, që kemi parë prej vitesh nga dialogu është që marrëveshjet e pjesshme e kanë parandaluar marrëveshjen e përgjithshme që i mbyllë të gjitha çështjet me Serbinë dhe garanton paqe të përhershme”, tha ai.
Partia Socialdemokrate në një aktivitet simbolik i ka dorëzuar para hyrjes së qeverisë mbi 205 mijë nënshkrime nga qytetarët e Kosovës kur Lëvizja Vetëvendosje kishte organizuar një peticion kundër marrëveshjeve me Serbinë, ku ishte edhe marrëveshja për energjinë.
