Deputetja e Lëvizjes Vetëvendosje, Arjeta Fejza ka thënë se janë të interesuar që të arrihet një marrëveshje për zgjedhjen e presidentit.
Ajo ka thënë se festat për partitë opozitare do të dërgohen pas përfundimit të konsultimeve të brendshme.
Fejza në emisionin “Ditari”në Tëvë1 ka thënë se në këto takime do të shkojnë për marrëveshje, jo me ndonjë skenarë
“Ftesat do të përsëriten, po shkojmë në takim për t’u marr vesh, nuk jemi duke shkuar në takim me skenarë të paracaktuar, ne japim propozime, opozita japin propozime dhe afrohemi deri te një qëndrim i cili është konsensus. Shpresoj se këtu e tutje do të ketë konstruktivitet nga partitë opozitare”, ka thënë ajo.
Por, ftesat për takime për partitë opozitare, siç ka thënë ajo do të bëhen pas përfundimit të konsultimeve të brendshme lidhur me aktgjykimin e Gjykatës Kushtetuese.
“Sigurisht që çështja e zgjedhjes së presidentit është urgjente, paralelisht më këtë është i rëndësishëm edhe procesi. Ne jemi të interesuar që të ketë sukses procesi i zgjedhjes së presidentit apo presidentes. Në këtë drejtim janë hapat që duhet ndjekur, fillimisht janë konsultimet tona të brendshme, ka një vendim të Gjykatës Kushtetuese që duhet diskutuar edhe me ekspertët e pastaj sigurisht që do të ftohet në takim edhe krerët e partive për të diskutuar dhe për të të parë se cilat janë opsionet dhe alternativat e tyre”, ka thënë Fejza.
Gjykata Kushtetuese më 25 mars ka nxjerrë aktgjykimin e saj mbi dekretin e presidentes për shpalljen e zgjedhjeve të reja, vendim të cilin Osmani e kishte marrë më 6 mars, pas në seancën që Kuvendi mbajti më 5 mars nuk u zgjidh presidenti i ri.
Kushtetuesja ka vlerësuar se dekreti i Osmanit nuk ka efekt juridik dhe kishte dhënë kohë 34 ditë kohë për zgjedhjen e presidentit, nga dita e hyrjes në fuqi të aktgjykimit, 25 mars.
