Një nxënës 11-vjeçar dyshohet se është sulmuar të mërkurën brenda oborrit të një shkolle në Komunën e Deçanit.
Zëdhënësi i Prokurorisë Themelore në Pejë, Shkodran Nikçi ka konfirmuar se personi i dyshuar është arrestuar, ndërsa nxënësi është dërguar për trajtim mjekësor.
Nikçi ka bërë të ditur se mësimdhënësit kanë ndërhyrë për të ndalur incidentin.
“Një prind dyshohet se ka sulmuar fizikisht një nxënës në oborrin e shkollës, ku për fat të mirë më vonë kanë intervenuar mësimdhënësit e kësaj shkolle. Më pas është njoftuar Policia e Kosovës, të cilët e kanë arrestuar personin e dyshuar, ndërkaq i mituri ka pranuar tretman mjekësor”, ka thënë ai.
I dyshuari do të qëndrojë në ndalim për 48 orë dhe ndaj tij është iniciuar rast për veprën penale “lëndim i lehtë trupor”.
