Policia e Kosovës ka njoftuar për një aksident trafiku që ka ndodhur në orët e hershme të mëngjesit të së martës në rrugën Prishtinë–Prizren.
Sipas policisë, një i dyshuar mashkull kosovar është arrestuar pasi që, duke drejtuar automjetin nën ndikim të alkoolit, ka shkaktuar aksident duke goditur një veturë tjetër që drejtohej nga viktima.
Si pasojë e aksidentit, viktima ka pësuar lëndime trupore. Fillimisht ai ka marrë trajtim mjekësor në Spitalin e Prizrenit, ndërsa më pas është dërguar në QKUK për trajtim të mëtejmë.
Me vendim të prokurorit, i dyshuari është dërguar në mbajtje, ndërsa rasti po hetohet nga organet kompetente.
“Rr. Prishtina, Prizren / 31.03.2026 – 06:00. Është arrestuar i dyshuari mashkull kosovar pasi që i njëjti dyshohet se derisa ka qenë duke drejtuar veturën nën ndikim të alkoolit ka shkaktuar aksident trafiku duke goditur veturën e cila drejtohej nga viktima mashkull kosovar. Si pasojë, viktima ka pësuar lëndime trupore dhe i njëjti pas pranimit të tretmanit mjekësor në Spitalin e Prizrenit është dërguar në QKUK për tretman te mëtutjeshëm. Me vendim të prokurorit i dyshuari është dërguar në mbajtje”, thuhet në raportin policor./teve1.info/
