Dy persona janë arrestuar në Prishtinë nën dyshimin për përfshirje në një rast të vjedhjes së rëndë në tentativë, ka njoftuar policia.
Ngjarja ka ndodhur mbrëmjen e 26 marsit 2026, rreth orës 22:30, në rrugën “Mehmet Xhevori”, ku të dyshuarit janë kapur në flagrancë duke tentuar të vidhnin naftë.
Sipas policisë, gjatë ndërhyrjes janë sekuestruar disa prova materiale që dyshohet se janë përdorur për kryerjen e veprës.
“Janë arrestuar dy të dyshuar meshkuj kosovarë pasi që të njëjtit janë kapur duke vjedhur naftë. Si provë materiale janë sekuestruar një akumulator, një pajser etj.,” thuhet në njoftimin zyrtar.
Sasia e naftës së vjedhur i është kthyer pronarit, ndërsa të dyshuarit, pas intervistimit, janë dërguar në qendrën e mbajtjes me vendim të prokurorit kujdestar.
“Nafta i është kthyer pronarit ndërsa dy të dyshuarit pas intervistimit me vendim të prokurorit janë dërguar në mbajtje,” thekson më tej policia.
Rasti është iniciuar si “vjedhje e rëndë në tentativë” dhe është duke u trajtuar nga organet kompetente.
