“Ja kom fillu para një ore deri tashmë i kam mbledh mbi 80 nënshkrime, do të mblidhen të gjitha nënshkrimet nga të gjitha komunat e Kosovës dhe do të dorzohet në parlament si inciativë e qytetarëve”, thotë Sejdi Fazliu, iniciator i peticionit pro – Trustit në Fushë-Kosovë.
E interesimi për të dhënë nënshkrimet duket se është i madh.
“Po mirë është janë para të qytetarëve dhe duhet me u votu, ju kisha apel me votu nëse vihet në rend të ditës sepse janë para të qytetarëve dhe u nevojitën”, thotë qytetari Adem Jakupi.
“Po shpresoj që mos me hezitu njerzt të cilët veq kanë kontribu dhe me pas rezultat final dhe kur t shkon në kuvend edhe ata mos me na dëshpru”, thotë qytetari Rafket Kaleshi.
“Si penioner ne jemi shumë të shkelur, me 200 euro nuk jetohet edhe prap na pengojnë na thojnë nuk bon se shteti po dëmtohët, kush e ka bo trustin e kanë bërë punëtorët”, thotë pensioneri Azizi Gashi.
Ani pse një kërkese të tillë nuk është përkrahur nga 57 deputetët e pushtetit, iniciatori i këtij peticioni pretendon se do të marrin nënshkrimet e mjaftueshme për ta riproceduar përsëri.
“Ne kemi marrë iniciativë të re që të mbledhen 10.000 nënshkrime që sërisht ta sjellim projektligjin për riprocedim në kuvend. Qeveria nuk ka marrë masa tjera lehtësuese nuk janë rritur pagat dhe çmimet po vazhdojnë të ngriten qytetarëve e vetmja zgjidhje u ka mbetur tërheqja e trustit”.”, thotë iniciatori i grupit për peticion pro – Trustit, Adnan Jashari.
Ndryshe, Kuvendi i Kosovës ka dështuar ta miratojë Projektligjin që do të mundësonte një tërheqje të sërishme të kursimeve nga Trusti. Nismës së propozuar nga deputeti i PDK-së, Bekim Haxhiu, i dolën në përkrahje vëtëm 44 deputetë të opozitës.
Kronika e realizuar nga gazetarja Lendrina Kodrolli