Po hyjnë me radhë.
Kjo pasi mëngjesin e kësaj të shtuneje, Pishina e Gërmisë ka hapur dyert.
Përgatitjet e duhura për funksionalizimin e pishinës janë kryer nga ndërmarrja “Sport Marketing”.
Pavarësisht trendit të rritjes së cmimeve, kryeshefi i kësaj kompanie, Liridon Llapashtica theksoi se hyrja ka mbetur me çmimin e vitit të kaluar.
Ndër të tjera ai tregoi se masat e sigurisë janë në nivel. Gjithsej ka 12 shpëtimtarë që kujdesen në rast se ndodh ndonjë incident.
E rreth mirëmbajtjes së pishinës, pati kritika nga qytetarët.
Pishina e Gërmisë ka një hapësirë rreth pesë hektarë hapësirë dhe përveç pishinës aty ka edhe amfiteatër dhe fusha për sporte tjera.
Kronika e realizuar nga gazetarja Valëza Sylejmani
