Është arrestuar i dyshuari që vrau vëllain e tij në fshatin Bokshiq të Klinës.
Ai siç bëhet e ditur në komunikatën e përbashkët të Prokurorisë Themelore në Pejë dhe Policisë së Kosovës është arrestuar në vendin e ngjarjes dhe është ndaluar për 48 orë.
“Policia e Kosovës në vendin e ngjarjes ka arrestuar personin e dyshuar, i cili me urdhër të Prokurorit të Shtetit është ndaluar për 48 orë i dyshuar për veprën penale “Vrasje e Rëndë”.Në vendin e ngjarjes kanë dalë të gjitha njësitet relevante policore, Prokurori i Shtetit nga Departamenti i Krimeve të Rënda të cilët kanë sekuestruar armën e cila dyshohet që është përdorur në rast dhe prova të tjera relevante.Me urdhër të Prokurorit të Shtetit, trupi i pajetë i viktimës dërgohet në Institutin e Mjekësisë Ligjore për obduksion”, thuhet në komunikatë.
Poashtu bëhet e ditur se Prokurori i Shteti do të parashtrojë kërkesë për caktimin e masës se paraburgimit ndaj personit të dyshuar në Gjykatën Themelore të Pejës./teve1.info/
