SHBA-të kanë miratuar shitjen e naftës iraniane që është tashmë në tranzit.
Në një postim të gjatë në rrjetet sociale, Sekretari i Thesarit, Scott Bessent, sqaroi se ky është një “autorizim afatshkurtër, i synuar dhe i kufizuar që lejon shitjen e naftës iraniane që aktualisht është e bllokuar në det”.
“Për momentin, nafta iraniane nën sanksione po grumbullohet nga Kina me çmime shumë të ulëta.
Duke liruar përkohësisht këtë furnizim ekzistues dhe duke e bërë atë të disponueshëm për botën, Shtetet e Bashkuara do të lirojnë me shpejtësi afërsisht 140 milionë fuçi naftë në tregjet globale, duke rritur disponueshmërinë globale të energjisë dhe duke ndihmuar në zbutjen e tensioneve të përkohshme të furnizimit të shkaktuara nga Irani”, theksoi Bessent, duke specifikuar se “ne do të përdorim fuçi iraniane kundër Teheranit për të mbajtur çmimet e ulëta ndërsa vazhdojmë Operacionin Epic Fury”, shkruan ANSA.
“Ky autorizim i përkohshëm afatshkurtër është i kufizuar në mënyrë strikte për naftën që është tashmë në tranzit dhe nuk lejon blerje të reja ose prodhim të ri”, përsëriti Sekretari i Thesarit.
