Por, profesori nga universiteti i Sofjes “St.Kliment Ohridski”, Anton Panchev ka thënë se Maqedonia e Veriut do të jetë në izolim të plotë.
“Ata duhet ta pranojnë propozimin francez dhe duhet të nënshkruajnë protokollin dypalësh me të cilin do të realizohen garancitë por atje refuzojnë ta bëjnë. Pra Maqedonia e Veriut do të jetë në një izolim të plotë sepse tërë Bashkimi Evropian është prapa kërkesave bullgare që janë plotësisht në lidhje me vlerat e BE-së, me dokumentet relevante të BE-së që pranon këto kërkesa bullgare për mbrojtjen e të drejtave të njeriut”, tha ai në emisionin “Info Nata” në Tëvë1.
Panchev thotë se Shkupi duhet të veprojë dhe të mos e shtyjë më shumë procesin, pasi sipas tij, Maqedonia e Veriut duhet të integrohet.
“Nuk besoj se mund të ketë rezultate pozitive shumë shpejtë, ndoshta në Shkup do të duhet disa vite me radhë që të pranohet realiteti ose presioni ndërkombëtar mund të ndihmojë për zhvillimin më të shpejtë të procesit. Në Shkup duhet të veprojnë nuk duhet të shtyjnë më shumë procesin. Ky vend duhet të integrohet, nuk duhet procesi të varet nga obsesionet e autoriteteve atje për inspirim e lavdishme të maqedonasve sepse janë gjera të kota. Duhet të pranojnë të gjitha të drejtat e njeriut dhe të drejtën e identitetit”, ka deklaruar profesori nga Universiteti i Sofjes, Panchev. /teve1.info/
