Partia Demokratike e Kosovës e ka falënderuar kryeministrin e Kosovës, Albin Kurti për ftesën për takim për çështjen e presidentit, duke ritheksuar se mbetet e hapur për komunikim dhe dialog politik sa herë që kjo i shërben stabilitetit institucional dhe interesit të vendit.
PDK e ka vlerësuar të domosdoshme pritjen e vendimit përfundimtar të Gjykatës Kushtetuese për zgjedhjen e presidentit.
Në një komunikatë për media, partia më e madhe opozitare ka thënë se është e hapur për komunikim dhe dialog politik, por ka shtuar se për këtë duhet të pritet 31 marsi.
Ndërkohë, Gjykata Kushtetuese ka vendosur masë të përkohshme që pezullon procesin e zgjedhjes së Presidentit dhe çdo veprim të mëtejshëm të Kuvendit.
Ndryshe, kryeministri i Kosovës, Albin Kurti, ka bërë të ditur se do t’u dërgojë ftesa partive opozitare për një takim lidhur me çështjen e zgjedhjes së presidentit të vendit./teve1.info/
