Ministri i Infrastrukturës dhe Transportit, Dimal Basha, ka inspektuar nga afër punimet në projektin e rrugës Prishtinë–Podujevë Road, duke kërkuar rritje të ritmit të punimeve dhe përmbushje të obligimeve kontraktuale me seriozitet maksimal.
Basha bëri të ditur se, pas një trajtimi të detajuar të projektit, ai së bashku me zyrtarë të administratës dhe mbikëqyrësin e punimeve ka qëndruar gjatë gjithë ditës në terren, ku ka inspektuar të gjitha segmentet e rrugës.
“Pas një trajtimi të detajuar të projektit, bashkë me zyrtarë të administratës dhe mbikëqyrësin e punimeve kemi qëndruar gjatë gjithë ditës në terren, duke inspektuar të gjitha segmentet e rrugës”, është shprehur ai.
Sipas ministrit, gjatë inspektimit janë zhvilluar edhe takime me përfaqësuesit e operatorëve ekonomikë dhe ekipet e punës në secilin segment, me qëllim që të vlerësohet nga afër progresi i punimeve.
“Gjatë inspektimit kemi zhvilluar takime edhe me përfaqësuesit e operatorëve ekonomikë dhe ekipet e punës në secilin segment, për të parë nga afër progresin dhe për të kërkuar rritje të ritmit të punimeve”, ka theksuar Basha.
