Një mjet shpërthyes është hedhur në shtëpinë e një gruaje në fshatin Sfeqël të Podujevës.
Në raportin ditor të Policisë së Kosovës thuhet se rasti është cilësuar si “përdorim i armës apo mjetit të rrezikshëm” dhe ka ndodhur në orët e para të së enjtes.
“Është raportuar se person-a të panjohur kanë hedhur mjet shpërthyes në shtëpinë e viktimës femër kosovare. Në vendin e ngjarjes kanë dalë njësitë përkatëse policore”, thuhet në raportin 24-orësh të Policisë.
Ndërkohë, thuhet se me rastin është njoftuar edhe prokurori. /teve1.info/
