Në kuadër të këtij plani Policia e Kosovës ka njoftuar se kanë kontrolluar nxënës dhe bastisur lokale në afërsi të shkollave, e si përfundim janë gjetur armë, thika, boksa metali, elektro shok e shufra metali.
“Në kuadër të këtij plani, pas disa kontrolleve të zhvilluara nga hetues rajonal me rroba civile, të mbështetur edhe nga njësi tjera , kanë ndaluar dhe kontrolluar shumë nxënës në afërsi të shkollave, dhe persona tjerë në rrugë të ndryshme të qytetit. Gjithashtu, janë bastisur dhe kontrolluar disa lokale ,shtëpi dhe objekte percjellëse, ku si prova materiale janë gjetur dhe konfikuar : Armë zjarri (pistoleta), pesë (5), armë të gjata gjysmë automatike dy ( 2), sasi e municionit,thika , 40 copa, kryesisht të nxënësve të shkollave të mesme, boksa metali, 10 copë, te nxënësit e shkollave të mesme, mulli për bluarje të marihanës 6 copë, shufra metali, 4 copë, elektro shok, 1 copë”, thuhet në njoftim.
Tutje bëhet e ditur se në Polici janë shoqëruar 40 persona sepse dyshohet që të njëjtit kanë përdorur narkotikë. Kurse 20 persona të tjerë dyshohet se kanë shitur substanca narkotike, e që ndaj të njëjtëve është iniciuar rast.
“Ndërsa janë ndaluar dhe shoqëruar në polici , dyzetë (40) persona me dyshimin se kanë përdorur narkotikë dhe ndaj tyre janë inicuar raste në Prokurorinë dhe Gjykatën Themelore të Ferizajt.Gjithashtu janë ndaluar dhe shoqëruar në polici edhe njëzetë (20) persona me dyshimin se kanë shitur narkotikë ( marihuanë) dhe ndaj tyre janë inicuar raste penale për Prokurorinë Themelore të Ferizajt”, thuhet tutje.
