Policia e Kosovës ka arrestuar një person i cili ka qenë në kërkim për disa vite për vrasje.
A.P 37-vjeç është arrestuar mbrëmë në fshatin Velezhe – Prizren.
I njëjti ishte i kërkuar sipas urdhërarresteve të gjykatës për disa vepra penale, konkretisht për: ‘vrasje’, neni 178 i KPRK, ‘shkaktim i rrezikut të përgjithshëm’, neni 365 i KPRK, ‘mbajtje, posedim dhe kontroll i paautorizuar i armës’, neni 366 i KPRK.
“Pas arrestimit, me datën 10.02.2026, i dyshuari është dërguar në Prokurorinë Speciale për vazhdimin e procedurave të mëtejshme ligjore. Vepra penale ka ndodhur në vitin 2015, ku i dyshuari kryesor i rastit të vrasjes është arrestuar dhe është dënuar nga gjykata, por A. P. kishte qenë gjithashtu njëri nga të dyshuarit dhe ka qenë në arrati për disa vjet”, ka njoftuar Policia./teve1.info/
