Komandanti i KFOR-it, Ozkan Ulutash, ka zhvilluar një takim me zyrtaren e lartë të NATO-s, Blanca Hereza Atienza, ushtruese e detyrës së shefes për Operacione Aktuale në Divizionin e Operacioneve të Stafit Ndërkombëtar.
Në njoftimin e KFOR-it thuhet se gjatë takimit u diskutua për situatën e sigurisë në Kosovë dhe për rolin e misionit paqeruajtës në ruajtjen e stabilitetit.
“Komandanti i KFOR-it riafirmoi përkushtimin e tij për të garantuar një ambient të qetë dhe të sigurt për të gjithë qytetarët që jetojnë në Kosovë, duke vepruar në mënyrë të paanshme dhe transparente”, thuhet në njoftim.
KFOR-i thekson se vazhdon të zbatojë mandatin e tij në përputhje me Rezolutën 1244 të Këshillit të Sigurimit të OKB-së, me synim sigurimin e një mjedisi të sigurt dhe lirisë së lëvizjes për të gjithë banorët në Kosovë.
Gjithashtu bëhet e ditur se KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), secila në rolin e saj për adresimin e çështjeve të sigurisë në vend.
