Kryetari i Prishtinë, Përparim Rama, ka nderuar mësuesit e dalluar të kryeqytetit me rastin e 7 Marsit – Dita e Mësuesit, duke shprehur mirënjohje për kontributin e tyre në arsimimin dhe formimin e brezave të rinj.
Ai theksoi se puna e mësuesve nuk matet vetëm me vitet e shërbimit, por me ndikimin dhe gjurmët që ata lënë në jetën e çdo nxënësi.
“Për Festën e Mësuesit, me mirënjohje të thellë nderuam mësuesit e dalluar të Kryeqytetit. Kontributi i tyre nuk matet vetëm me vitet e shërbimit, por me gjurmët e pashlyeshme që lënë në jetën dhe formimin e çdo nxënësi. Përherë mirënjohës për përkushtimin, durimin dhe dashurinë me të cilën ndërtojnë të ardhmen përmes arsimit. Urime 7 marsin, ta gëzoni me shëndet!”, ka shkruar Rama./teve1.info/
