Kjo është vizita e parë e një kreu të shtetit të Kosovës në këto dy shtete të Azisë Juglindore.
Bëhet e ditur se gjatë qëndrimit në Tajlandë, Osmani do të pritet nga kryeministri i Tajlandës, Prayut Chan-o-cha.
Kurse në Samitin “Global Summit of Women”, presidentja do të flasë për rolin dhe potencialin e grave në realitetin e ri.
“Presidentja Osmani, gjithashtu do të marrë pjesë edhe në një forum ekonomik të organizuar nga Këshilli Diplomatik dhe Oda Ekonomike e Tajlandës ku do të diskutohen mundësitë e tërheqjes së investitorëve nga ky shtet, por edhe mundësive ekonomike që i ofron Kosova” thuhet në njoftim.
Kurse pas Tajlandës presidentja do të vazhdojë vizitën në Singapor, ku do të takohet me homologen e saj Halimah Yacob.
“Pas vizitës në Tajlandë, presidentja Osmani do ta vazhdojë vizitën në Singapor, ku pritet të takohet me homologen e saj, Presidenten Halimah Yacob, kryetarin e Parlamentit,Tan Chuan-Jin, ministren e Lartë të Shtetit për Zhvillim Kombëtar dhe Punë të Jashtme, Sim Ann dhe me Ministrin e Lartë të Shtetit, Mohamad Maliki Bin Osman”, thuhet tutje./teve1.info./
